Rexistro Sonoro do Deseño Galego

Carmen Moral Ardines é enxeñeira agrónoma e conta cun máster en Arquitectura da Paisaxe pola Juana de Vega (USC/UDC). É cofundadora e directora no estudio ORZA Arquitectura da Paisaxe en Santiago de Compostela, onde lidera estratexias creativas, planificación e dirección de obra. 

Desde 2013 centra a súa práctica profesional en proxectos de paisaxe tanto públicos como privados, co obxectivo de integrar o espazo natural e urbano desde un enfoque sensible e contemporáneo. En 2014 fora recoñecida cun Primeiro Premio Nacional Iberflora en Xardinería e Paisaxismo en Medio Urbano. Ademais, forma parte da Asociación Española de Paisaxistas e do Colexio Oficial de Enxeñeiros Agrónomos de Galicia. 

Para ela, deseñar paisaxes significa conectar coas persoas, a memoria e o territorio.

Marcos Dopico Castro (Narón, 1974) é doutor en Belas Artes pola Universidade de Vigo (2009) e profesor titular de tipografía e deseño na Facultade de Deseño do campus de Pontevedra onde, desde 2024 exerce como decano. É un dos pioneiros do deseño tipográfico en Galicia a través da súa fundición MaisTypes, e investiga a relación entre a modernidade gráfica e a recuperación do patrimonio tipográfico galego, así como as estratexias identitarias en deseño. Entre as súas achegas destacan os libros “Arqueoloxía tipográfica: A evolución dos caracteres de palo seco” (2011) e “A Galicia deseñada: signos, símbolos e identidades gráficas” (2024), así como a curaduría da exposición do mesmo nome (2022–23). Ademais, a súa contribución profesional e académica foi recoñecida en 2023 cun Premio Laus de Bronce na categoría de lettering/tipografía experimental concedido por ADG‑FAD.

Natalia Crecente é licenciada en Belas Artes pola Universidade de Salamanca, especializada en deseño e audiovisuais. Apaixonada pola tipografía, realizou cursos de doutoramento na Universidade de Barcelona e investigou sobre deseño gráfico coa tesina sobre Emil Rudolf Weiss e o fondo tipográfico Neufville-Bauer.

Comezou a súa carreira profesional no Grupo Revisión (A Coruña) e foi deseñadora gráfica na Universidade de Santiago, centrada en deseño web e multimedia. En 2006, cofundou o estudo Sond3 (Lugo), recoñecido con premios como o da II Bienal Iberoamericana de Deseño 2010.

É membro fundadora da asociación galega de deseñadores DAG e compaxina o seu labor docente na Escola de Arte Ramón Falcón co traballo en Sond3 e a súa tese doutoral sobre tipografía galega.

Pablo Honey (Pablo Blanco) é un deseñador galego. Naceu nunha aldea da Costa da Morte, creceu en Suíza e vive entre Nova York e Compostela. 

Traballou nalgunhas das axencias e contas máis recoñecidas (R/GA, Nike, Camper, Fossil...). Traballa desde hai anos como xefe de deseño de Automattic, a empresa creadora de WordPress, a plataforma web que emprega case a metade do mundo.

Del aprendemos a importancia da curiosidade no deseño e a importancia de non darse tanta importancia. O deseño é tan importante canto é capaz de aportar á comunidade. Unha deseñadora ou deseñador non vale máis que un albanel ou unha profesora.

Tamén, grazas a el, sabemos que a subscrición da revista da School of Visual Arts de Nova York chega a Romelle sen problema.

Uqui Permui é directora de arte, deseñadora gráfica y UX. É tamén Profesora asociada en la USC e a responsable do estudo detrás de Uqui.net. 

As dúas características que definen os proxectos nos que se involucran son, nas súas verbas, por un lado a implementación de estratexias de incitan a colaboración e, por outro, a activación da esfera pública.

Ricardo Tubío é un dos socios fundadores de Cenlitros, un estudio de clara orientación humanista que cree no deseño que vai máis aló da simple función práctica e que aborda tamén funcións de carácter emocional e social. 

Durante case vinte anos, Cenlitros desenvolveu proxectos que van dende o deseño de produto, a gráfica, a embalaxe ou o deseño de espazos permanentes e efémeros. 

Ao longo da súa traxectoria tivo a oportunidade de asinar proxectos que analizan e reflexionan sobre o ámbito creativo, técnico ou sociocultural.

Natalia Balseiro é investigadora, curadora e mediadora cultural. Desde fai máis de vinte anos deseña procesos e proxectos de arte, cultura, participación, innovación democrática, mediación e desenvolvemento territorial e sectorial desde a administración pública e como profesional independente a nivel local, autonómico, estatal e internacional.

Álvaro Valiño traballa como infografista para The Washington Post desde a súa cidade natal, A Coruña. É licenciado en Deseño Gráfico polo London College of Communication e foi Xefe do Departamento de Infografía do diario español Público.

Anteriormente traballou como freelance para clientes de todo o mundo como National Geographic Magazine, The Washington Post, The Guardian, Corriere della Sera, Science ou Revista Mongolia, entre outros.  O seu traballo recibiu máis de 30 premios Malofiej, considerados como o Premio Pulitzer de gráficos de información. Impartiu seminarios de infografía en Madrid, Nova Delhi ou Kuala Lumpur e exerceu de revisor por pares para o Visible Language Journal. Foi coautor dun artigo publicado en Nature sobre Asociacións entre ciencia e arte gráfica para aumentar o impacto da investigación

Na actualidade, Álvaro tamén imparte clases de infografía, centrándose nas posibilidades comunicativas dos esquemas e a síntese gráfica no Máster en Visualización de Datos e Deseño da Información da escola online Elisava. 

Gústalle o café, os documentais, os cómics, as bicicletas e conversar.