Cuberta “A morte de Frank González”

“A morte de Frank González” é a primeira novela do oeste en lingua galega. Esta primeira edición foi publicada por Ediciós do Castro, unha das ramas do Laboratorio de Formas fundado por Isaac Díaz Pardo e o propio Seoane. No deseño da portada hai características clave da gráfica de Seoane, como a integración de imaxe e texto e o uso dunha gama cromática reducida que non resta, senón que contribúe ao impacto visual. Neste deseño tardío podemos observar como a combinación do manual (ilustración, letra debuxada) e do mecánico (tipografía xeométrica) cristaliza a ampla experiencia de Seoane como deseñador editorial.