Mapa “Carta geométrica de Galicia”

Coñecido popularmente como o “mapa de Fontán”, esta peza representa a achega máis importante da ciencia cartográfica española na primeira metade do século XIX. Foi construído a escala cen milésima por Domingo Fontán Rodríguez e gravado por L. Bouffard na Imprenta Lemercier de París. Aínda que os mapas se remataron en 1834, o gravado non se realizou ata 1845, 
O mapa, moi completo, inclúe unha cuadrícula de meridianos e paralelos. No ángulo superior esquerdo aparece o título cunha dedicatoria, a escala, o autor, o gravador e a data de edición. As cidades aparecen representadas con pequenos círculos segundo a súa importancia, e as capitais con hexágonos. Está identificada tamén a rede de comunicacións, a división político-administrativa, a hidrografía —cos nomes dos ríos más importantes— e a costa, que aparece realzada con escollos, escarpados e praias. 
O mapa está dividido en 12 follas, que van montadas sobre tea. Ten unha encadernación onde se dobra en sobres de 40 x 31 cm.