Logotipo Pan da Moa

O logotipo de Pan da Moa, marca do obradoiro familiar Moscoso Moure, resolve nun só signo tres lecturas superpostas. A forma é unha “m” caligráfica de trazo fluído e terminacións moduladas, cun ritmo de tres arcos ascendentes que remite directamente ao corte que o panadeiro fai sobre a barra antes de enfornar: a greña. Esa marca funcional do oficio convértese aquí en identidade. 

Ao mesmo tempo, a “m” sostén a inicial de “moa” (o tipo de pan que lle deu nome á marca) e opera como abreviatura do “obradoiro Moscoso Moure”, o xerme da cadea de tendas. A economía do signo é total: un único elemento caligráfico activa á vez a letra, o xesto artesán e o nome propio.