Pufs Fíos

Fíos é unha colección de pufs integrada por pezas personalizadas e únicas, cunha grande variedade de tons e medidas. O proxecto rende homenaxe a un oficio antigo e necesario na vida de xeracións pasadas: a arte de fiar; un oficio artesanal, manual e tradicional. Os pufs son pezas contemporáneas feitas a man por artesáns locais con tiras de tea reciclada. Son pezas onde artesanía e modernidade se unen, apostando pola produción sostible, ética e local. Fíos foi un proxecto creado por catro amigos que se coñeceron estudando Deseño de Produto na EASD Mestre Mateo, en Santiago de Compostela.