Cartel Festa do Mar

Este cartel da Festa do Mar, un evento festivo, cultural e gastronómico celebrado en Combarro, constrúese sobre unha montaxe de dúas imaxes de rexistro moi diferente: unha fotografía documental dun grupo de mariñeiros a bordo dunha embarcación tradicional de vela, e unha ilustración naturalista dun peixe ao estilo das láminas de historia natural do século XIX. 

A fusión das dúas capas constitúe o núcleo conceptual da peza: o casco do bote prolóngase no corpo do peixe ata os identificar como un único ser, de xeito que a embarcación parece navegar dentro do animal ou ser transportada por el. A imaxe resultante ten un carácter onírico que condensa nunha soa figura a relación entre Galicia, o oficio mariñeiro e o mar. A paleta monocromática unifica os elementos de orixes distintas e reforza o ton de homenaxe.

O cartel foi distinguido coa Selección Anuaria 2016 na categoría de mellor cartel (Premios Anuaria) e co premio Best Poster nos IGDEA Awards 2017 Europa.