Colección cerámica Cut & Fold

A colección cerámica Cut & Fold está inspirada nas formas dos rañaceos, as pontes e as grúas portuarias e de construción. As pezas interactúan co observador mediante a variación da súa forma e inclinación segundo o punto de vista. As súas caras triangulares créanse mediante unha metodoloxía próxima á da enxeñaría. A produción é integramente manual, o que dá lugar a unha combinación de precisión e imperfección, exactitude e singularidade. Paula Ojea, fundadora e ceramista do estudo Ojea, é licenciada en enxeñaría civil, o que lle permite integrar a cerámica e a enxeñaría no deseño e creación de obras inspiradas no ambiente costeiro do sur de Galicia.