Composicións para “Un ollo de vidro”

Este bosquexo preparatorio amosa diferentes ensaios de composición para a cuberta e o cartel de “Un ollo de vidro”, obra de temática anticaciquil e de ultratumba de Castelao. A caveira, elemento central da ilustración, aparece acompañada de estudos tipográficos e do logotipo de Céltiga, a editorial que publicou o libro. A letra debuxada, de formas xeométricas, reflicte a influencia das vangardas europeas dos anos vinte, que Castelao adaptou ao seu estilo gráfico.