Cuberta “Nao Senlleira”

O primeiro libro de poemas de Fermín Bouza-Brey editouse no obradoiro que Ánxel Casal tiña na rúa das Hortas, xusto antes de trasladar a sede da editorial Nós á rúa do Vilar. Resulta unha edición moi coidada, cunha cuberta en tea atravesada por unha franxa ilustrada, que presenta unha embarcación tradicional desde unha orixinal perspectiva case cenital. A contracuberta recolle o crédito aos autores do gravado e a encadernación “sesto: grabóu ; viñas: encadernóu”.