Cartel “Para que remate esta vergonza vota o estatuto”

Este cartel foi concibido como material de propaganda para promover o voto afirmativo no referendo do Estatuto de Autonomía de Galicia, celebrado o 28 de xuño de 1936, poucos días antes do estalido da Guerra Civil. Castelao visualiza a inxustiza de quen teñe e quen non teñe, resultando nunha situación insostible. 

Segundo contou o propio Isaac Díaz Pardo, Castelao, na súa faceta de deputado, estaba tan atarefado coa campaña plebiscitaria do Estatuto que preparou un bosquexo e instrucións precisas para dos carteis e díxolle “Isaíño, faimos ti”. A súa estética e contexto histórico convérteno nun testemuño visual da vontade autonómica galega e do papel dos medios gráficos na construción da identidade nacional.